Nepal Ko Page नेपालको पेज

Menu Close

Category: Poem

साथी तिमीलाई सहिद दिवसको शुभकामना

रातो झिल्के खाम
टल्किने गरी लेखिएको आफ्नै नाम
१६ क्यारेटको मुस्कान
रण जितेको फौजीको शान
साथी आयो निम्तो दियो
बिहे छ मेरो आउनैपर्छ
सिमामा दुश्मनबाट देश बचाउने योद्धाले हात उठाएछ
एक बुँदे सहमति भएछ आत्मसमरपण गरेछ
मान्छे चकलेटी गालामा डिम्पल
हाय त्यो मुस्कान
निश्चल, नेचुरल, नोस्टाल्जिक
अहिले आइसियुमा छ
भोलिको मुस्कान कर्मकाण्डी हुनेछ
फिस्स छुट्ने रुटिनमा एक्टिभेट हुने
तर आज विशेष छ
म्याद सकिन लागेको औषधि प्रयोगको हतारो
छुट्न लागेको गाडी चढ्ने चटारो
उत्सव आज छ आजादी छ
भोलि……
फाँसीको डोरी हातमा लिएर सहिदले देश जनताका लागि जे सुनाए
साथीको वचनमा ठ्याक्क तेही भाव उही लगाव
साथी तिमीलाई सहिद दिवसको अग्रिम शुभकामना ।

कविताकाे वाचन गरेकाे भिडियाेलाइ यहाँ थिचम्

समय बद्लिएछ

हरेक कदममा साथ रहनेछ
हरेक साथमा कदम रहनेछ
रहेन छ कदम
रहेन छ साथ
रह्यो समय
जसले बद्लिएन मात्र
यु टर्न मार्याे

रामदेवका अनुलम विलमबाट थाकेका
देश, दूनियाका खबरले पाकेका
ग्लोबल वार्मिङ्गले पोलेका
फेशन टिभीमा शितल खोज्न थालेकाछन्
रेल, रोल र रुल मै रुमल्लिएर
समयलाई बद्लिएको दोष दिई
आफू नबद्लिएर फरक नतिजा अपेक्षा गरिरहेछन् ।।।।।

म – अक्षरयात्रा

अक्षरहरू एकाएक चल्मलाए, मानौं
उनीहरूको ग्रह नक्षत्रमा
घना कालो बादल मडारियो ।
यसरी छट्पटाए, मानौं
उनीहरूलाई बुनेर अक्षर बनाउने त्यो डिको
कुनै फकिरको ओठमा जलिरहेको चुरोटसरि
जलेर सकियो !

Read more

#बलात्कार

आमा त्यो सडक, गल्ली अनि चौबाटोमा निस्फिक्री हिँड्न मैले किन नहुने
मनका ज्वारभाटाहरुसँग बग्दै बिन्दास बरालिँदा
के जाती उपनाम किन समाज बुन्छ
अनि आफ्नो दमित इच्छा म माथी प्रयोग गर्दा
म नै यसरी घरबाट निस्कनै नहुने निष्कर्ष निकालिँदा
बढो चाख लिएर मजाक मेरै उडाइन्छ
आमा चुप लागौँ सक्दिन, चैनले बस्न सक्दिन
हवशका शिकारीलाई सही भन्दा मेरो चीत्कार समाजले बिर्सियो
मैले गुज्रिएको भूत उनीहरुको वर्तमान र भविष्य नहोस्

महादेव भ्यालेन्टाइन जान्दैनन्

प्रिय तिमी के जाती भ्यालेन्टाइनको कुरो नल्याउ
म भित्रको महादेवले शिवरात्री भन्दै छ
तिम्रा रोज अनि प्रपोज, विस अनि किस
मेरा भाङ अनि ह्याङ,
रात रक्स, स्वीट सक्स
म नजिक आएर मस्किदै माया माया नभन
यहाँ गाँजाको छ चिन्ता
वकवास पुरानो लभ स्टोरीमा आफूलाई नखोज
बरु जाम् कैलाश गरौँ ताण्डव यसमै छ मोज

© 2020 Nepal Ko Page नेपालको पेज. All rights reserved.

Theme by Anders Norén.