रातो झिल्के खाम
टल्किने गरी लेखिएको आफ्नै नाम
१६ क्यारेटको मुस्कान
रण जितेको फौजीको शान
साथी आयो निम्तो दियो
बिहे छ मेरो आउनैपर्छ
सिमामा दुश्मनबाट देश बचाउने योद्धाले हात उठाएछ
एक बुँदे सहमति भएछ आत्मसमरपण गरेछ
मान्छे चकलेटी गालामा डिम्पल
हाय त्यो मुस्कान
निश्चल, नेचुरल, नोस्टाल्जिक
अहिले आइसियुमा छ
भोलिको मुस्कान कर्मकाण्डी हुनेछ
फिस्स छुट्ने रुटिनमा एक्टिभेट हुने
तर आज विशेष छ
म्याद सकिन लागेको औषधि प्रयोगको हतारो
छुट्न लागेको गाडी चढ्ने चटारो
उत्सव आज छ आजादी छ
भोलि……
फाँसीको डोरी हातमा लिएर सहिदले देश जनताका लागि जे सुनाए
साथीको वचनमा ठ्याक्क तेही भाव उही लगाव
साथी तिमीलाई सहिद दिवसको अग्रिम शुभकामना ।

कविताकाे वाचन गरेकाे भिडियाेलाइ यहाँ थिचम्